Eskom het aangekondig dat beurtkrag van 10:00 af opgeskort is.
Die kragvoorsiener sê in 'n verklaring dit volg nadat 3 000 MW van opwekkingskapasiteit herwin is en genoeg noodreserwes aangevul is in die afgelope 44 uur.
Steenkoolbedrywighede by die Kusile-kragstasie is op optimale vlakke en alle eenhede wat sedert Vrydag af was, is weer aanlyn.
Vordering met die herstel van Koeberg se eenheid 2 vorder ook goed, aldus Eskom.
Hy het die publiek verseker dat dié eenheid veilig bly.
Beplande onderhoud-onderbrekings gemik op voorbereidings vir die winter en om te voldoen aan omgewingslisensie-voorwaardes duur voort.
Die span werk daaraan om 4 091 MW teen Maandag terug in diens te hê.
Eskom sê sy vooruitskattings vir die somer, soos gepubliseer op 26 Augustus 2024, bly onveranderd.
"Ons handhaaf ons standpunt dat beurtkrag grootliks agter ons is vanweë strukturele verbeterings in die opwekkingvloot. Terwyl die basiskapasiteit steeds beperk is, pak ons dié uitdaging met ons herstelplan aan. Die toegewyde pogings van ons hoogs bekwame personeel bly standvastig."
