Die verhoor van twee mans van Polokwane wat twee vroue glo vermoor en in ’n varkhok gegooi het, is Maandag vir die soveelste keer uitgestel.
Zacharia Johannes Olivier (60) en William Musora (35) het vlugtig in die hooggeregshof in Polokwane verskyn.
Hulle is aangekla weens die moorde op Maria Makgatho (45) en Lucia Ndlovu (35).
Die twee vroue se oorskot is in Augustus verlede jaar op ’n plaas buite Polokwane gekry.
Die verhoor sal na verwagting later vandeesweek begin.
* Hou Netwerk24 dop vir meer inligting.
