Puik eiendom goed geprys in Garsfontein

Hierdie eiendom bied vier slaapkamers, drie badkamers, 'n swembad en 'n sonkamer.

Met die intrapslag betree jy 'n indrukwekkende gesinswoning. Die oopplan-leefareas vloei oor na 'n stylvolle kombuis met voldoende ruimte vir al jou toebehore. By die ingang is daar 'n ruim studeerkamer, ideaal vir 'n kantoor of biblioteek, saam met 'n gesellige sitkamer en 'n formele eetkamer.

Op die eerste verdieping is daar twee ruim slaapkamers en 'n goed toegeruste badkamer. Op die tweede verdieping is daar nog twee slaapkamers en twee badkamers. Die hoofslaapkamer spog met 'n luukse en suite-badkamer. Die ruim slaapkamers verseker gemak en privaatheid vir almal. Die tweede verdieping bied ook 'n betowerende sonkamer met 'n ingeboude braaiplek en kombuis. Verder is daar 'n groot gesinskamer wat ook as 'n TV-kamer gebruik kan word.

Die woning is ideaal om gaste te onthaal met leefareas wat uitloop op 'n pragtige swembad.

Addisionele pluspunte van die woning is die elektriese motorhuisdeur en hek. Die hoofslaapkamer het 'n gerieflike instapkas. Daar is ekstra onderdak­parkering vir 'n woonwa, boot en voertuie.

Die woning is geleë in 'n stil en afgesonderde gesinsvriendelike area naby skole, winkelsentrums en hospitale. Die eiendom bied ook uitstekende veiligheid.