Laat unieke juweliersware die praatwerk doen vir die finale afronding van jou uitrusting. Bonkige stukke is veral treffend.
Unieke rok
Blinkerrok in roosgoud (R1 699), Mareth Colleen. Roomkleurige rok van gelaste vintage items (prys op aanvraag), Artho Eksteen. Skerppunt-hakskoene met diamanté-detail (R1 299), Luella by Foschini. (Netwerk24)
Kyk uit vir detail aan ’n rok wat dit uniek maak. Van moue tot interessante teksture en patrone. Of dra ’n deursigtige rok bo-oor ’n ander rok vir ’n uitrusting enig in sy soort.
Blink uit
Goue broek van glinsterstof (R950), Ruff Tung. Deursigtige roomkleurige hemp van herwinde poliëster-mengelstof (R1 099), H&M. Moulose katoentop met knoopdoop-patroon (R550), Mareth Colleen. Roomkleurige kunsleer-blokhakskoene (R799) en goue armband (R199), Foschini. Goue luiperdring (R290) en goue oorbelle (R290), Lovisa. (Netwerk24)
’n Tikkie blink kikker enige dag op. Kombineer dit met sagte kleure en klassieke items soos ’n hemp of selfs T-hemp.
Diervelpatroon
Leerhandsak met jagluiperdpatroon (prys op aanvraag), Chloe Seraphine. Naaswit kunsleer-miniromp (R449) en oorgroot gestreepte blou katoenhemp (R1 099), H&M. Goue halssnoere (R199 vir stel van twee), Foschini. (Netwerk24)
Daar is nou maar net iets spesiaals aan ’n Afrika-diervelpatroon – van luiperd tot sebra, dit gee enige uitrusting oemf.
Patroonprag
Die geheim van styl en mode is om te speel en te waag. Wanneer jy verskillende patrone saam dra, maak altyd seker dat daar ’n kleur is wat alles saambind.
Op ’n streep
Blou-en-wit gestreepte eenskouerbloes van katoen (R599), Mareth Colleen. Geplooide katoenromp met strepe in roomkleur en oranje (prys op aanvraag), Asha Eleven. Gepunte goue plathakskoene (R499), Foschini. Oorgroot goue blomoorbelle met varswater-pêrels (R330), Lovisa. (Netwerk24)
Een van die mees klassieke patrone is strepe. Sedert Coco Chanel in 1917 die Brenton-streep in haar vlootvoorkoms-reeks bekendgestel het, is strepe ’n heerlike patroon om mee te speel vir enige styl- of modeliefhebber.
Klassiek in kleur
Ligblou dubbelbors-snyersbaadjie van viskose-mengelstof (R799), bypassende broek (R499) en goue halssnoer met gelukbringertjies (R179), Foschini. (Netwerk24)
Die eenvoud van ’n klassieke broekpak kry ekstra trefkrag wanneer jy dit in ’n interessante kleur dra, pleks van die gewone swart.
Spesiale sonbril
Deursigtige ligoranje retro-sonbril (R139), Foschini. Ligblou gestreepte katoenbloes met valle-detail op moue (R799), H&M. Ligblou serp met swaanpatroon van sy-en-katoenmengselstof, as kopdoek gedra (R499), Artho Eksteen. Ring en oorbelle van ’n verskeidenheid van herwinde materiale deel van stel van 10 (R429 vir stel), H&M Studio, slegs aanlyn beskikbaar by Superbalist. (Netwerk24)
’n Sonbril met ’n ongewone kleur, vorm of detail gee aan enige uitrusting ’n opwindende persoonlikheid.
Spesiale dank aan die Toringkerk in die Paarl vir die gebruik van hul kerksaal. Vir meer: 021 872 6730, toringkerk.co.za
Die span
Model Max Penny van Ice Models Grimering en hare Hannah Kruyer-Maritz Fotograaf se assistent Stephan Bester Mode-intern Stella Erasmus
