Mense en monsters.
Helde en skurke.
Ons is almal dieselfde.
Dit hang net af van die
perspektief.
Ons verdraai 'n storie tot 'n
leuen, en vertel onsself dat dit
minder seer gaan maak.
Ons hou aan met iets wat
ons weet ons
ondergang sal wees.
Ons bly in verhoudings
wat nie gaan hou nie.
Ons hou vas aan
vriendskappe wat niks
vir ons beteken nie.
Ons verbeel ons
dat liefde iets meer
as 'n chemiese reaksie is.
want
net die idee van
alleenwees maak ons so
bang dat ons gedigte, prosa en
boeke daaroor skryf.
dit is wat ons mens maak.
Die vrees vir eensaamheid,
dis wat van ons mense en
monsters maak.
Die nuttelose verhoudings
dis wat ons helde en skurke maak.
Ons leef in ons skadu's,
bang vir die lig.
Ons vertel onsself
wat moet
gebeur sal gebeur,
maar diep in ons siel
weet ons dis 'n leuen.
Net sodat ons nie so
skuldig moet voel nie.
Ons lieg.
Daar is nie 'n mooier woord nie.
Ons lieg vir ander mense
en vir onsself.
Mense of monsters.
Helde of skurke.
Ons is almal dieselfde,
leuenaars.
- Jayden is 'n leerling aan Gill Kollege, 'n hoërskool in Somerset-Oos.
- Menings is rubriekskrywers se eie en weerspieël nie noodwendig die van Netwerk24 nie.
- Wonder jy waaroor studente praat? Lees meer meningstukke hier!
- Volg ons op Instagram en Facebook!
WIL JY VIR DIE STUDENT SKRYF?
Maar jy wonder nog heeltyd hoe dit werk? Kyk na hierdie video.
