Midstream College se matriekgroep van 2024 het uitsonderlik in die Onafhanklike Eksamenraad (IEB) se eindeksamen presteer. Nie net spog die 217 matrieks met 'n 100%-slaagsyfer nie, maar hulle het altesaam 728 vakonderskeidings behaal, wat neerkom op 3,4 per leerder. Daarbenewens het hulle 'n 99,1%-toelating tot Baccalaureus-graadstudies aan 'n universiteit behaal.
'n Verstommende 79 leerders het algehele gemiddeld van 80% behaal. Die klas van 2024 het die jaar op 'n hoë noot met 'n groepgemiddeld van 76,6% geëindig - voorwaar 'n uitsonderlike prestasie!
Aan individuele toppresteerders het dit ook nie ontbreek nie. Geen IEB-skool kan met meer leerlinge op die IEB se Toppresteerderslys spog as Midstream College nie - 'n volle 13!
Ruan van Tonder het met 11 onderskeidings geslaag, terwyl Cara-Renette Ponting met 'n gemiddeld van 97,6% spog.
Sewe Midstreamers het 10 onderskeidings elk behaal, vier het elk nege onderskeidings behaal, en 12 spog met 8 A's. 'n Verdere 16 kandidate het elk 7 onderskeidings ingeoes.
Dié skitterende uitslae sou nie moontlik gewees het sonder die toegewyde personeel, die hardwerkende leerlinge en die ondersteunende ouers nie.
"Ons wens al die Midstream-matrieks van 2024 die allerbeste vir die toekoms toe."
Die top-20 presteerders
Die blad is betaal en die inhoud verskaf deur dieadverteerder. Netwerk24 aanvaar geen aanspreeklikheid vir die geadverteerdedienste of produk nie.
