Michael Keane het Maandagaand 'n skitterende doel in die doodsnikke van Everton se wedstryd teen Tottenham Hotspur aangeteken om die kragmeting met 1-1 gelykop te laat eindig.
Keane se poging 30 m van die doelhok af het Tottenham se doelwagter, Hugo Lloris, heeltemal onkant betrap. Met dié doel het Keane ook vergoed vir die strafskop wat hy in die 68ste minuut afgestaan het toe hy Cristian Romero platgetrek het.
Daardie onwettige duikslag het gelei tot Tottenham se doel, wat deur Harry Kane aangeteken is.
"Julle sal dit nie glo nie, maar ek tref die bal elke nou en dan in oefeninge ook só. Om een van daar af in 'n wedstryd in te kry is heerlik," sê Keane.
Danksy dié uitslag bevind Everton hom nou in die 15de plek op die puntelys, maar die relegasiespook hang steeds oor hom.
Tottenham is in die vierde plek ná Arsenal, Manchester City en Newcastle. - Reuters
