Oos-Kaapse kunsdagboek

Ann Bryant-kunsgalery, St. Marksweg 9, Belgravia, Oos-Londen:
Die Oos-Londense Skone Kunste-vereniging nooi kunstenaars uit om werk voor 8 Mei om 15:00 vir die jaarlikse uitstalling, Anything but Painting, in te dien. Enigiets van hout-, krale- of leerwerk tot beeldhou en naaldwerk kan ingeskryf word, solank verf nie die dominante medium is nie. Die uitstalling open Vrydag, 24 Mei om 18:00 vir 18:30. Besoek https://forms.wix.com/r/7039878305461305430 vir die inskrywingsvorms en meer inligting.
Plaaslike kunstenaars word genooi om aan 'n uitstalling, My Beautiful Natural World, deel te neem tydens die Umtiza-kunstefees, wat van 24 Mei tot 10 Junie aangebied word. Omgewingsbewaring is die tema van die uitstalling. Besoek https://forms.wix.com/ vir meer inligting.

Artec, Nelson Mandela Metropolitaanse Kunsmuseum, Parklaan 1, Sentraal, Gqeberha:
Oos-Kaapse kunstenaars word genooi om aan die uitstalling Landscapes, Landmarks: Make Your Mark deel te neem. Inskrywings kan van 1 tot 31 Mei van 09:00 tot 13:30 by die Nelson Mandela Metropolitaanse Kunsmuseum ingedien word. Die uitstalling sal van Junie tot Augustus in die kunsmuseum aangebied word. Stuur 'n WhatsApp aan Louise Luders by 073 761 9418 vir nog inligting.

CVD Framers and Art Gallery, Jarvisweg 12, Berea, Oos-Londen:
GFI-kunsgalery, Parklaan, Sentraal, Gqeberha:
This is Me, 'n solo-uitstalling deur die Oos-Kaapse kunstenaar Anthony Keogh, kan in die galery besigtig word. Op Saterdag 27 April om 11:00 tot 12:00 sal dié kunstenaar 'n begeleide uitstappie in die galery aanbied waar hy sy werke sal bespreek. Bel die GFI-kunsgalery by 041 586 3973 of stuur 'n e-pos aan manager@gfiartgallery.com vir meer inligting. Die galery kan op weekdae van 10:00 tot 16:00 en Saterdae van 10:00 tot 13:00 besoek word.

Nelson Mandela Metropolitaanse Kunsmuseum, Parklaan 1, Sentraal, Gqeberha:
Die uitstallings Friends Highlights, In the Eye of the Beholder en Master Beadwork kan besigtig word. Opvoedkundige toere van die uitstallings word vir skole aangebied. Toegang is gratis en die toere word van 12:00 gedurende die skoolkwartale aangebied. Bespreek vooraf deur die Kunsmuseum by041 506 2000, 079 490 0690 of 071 640 3442 te skakel. Vir nog inligting, stuur 'n e-pos aan artmuseum@mandelametro.gov.za.

Nelson Mandela-Universiteit, Birdstraat-kunsgalery, Sentraal, Gqeberha:
'n Solo-uitstalling deur Malebogo Molokoane, wenner van die Absa L' Atelier 2022 Gerard Sekoto-prys, kan tot 31 Mei besigtig word. Môre van 10:00 tot 11:00 bied sy 'n begeleide uitstappie aan waar kunsliefhebbers na haar kan luister wanneer sy haar kunswerke sal bespreek.

Musiek:

Nelson Mandela-Universiteit, Suidkampus Ouditorium, Somerstrand, Gqeberha:
Die Nelson Mandela-Universiteit se Koperblaas-kongres word môre, 27 April, om 18:00 afgesluit met 'n musiekkonsert wat in die ouditorium aangebied word. Die kaartjies kan aanlyn deur Quicket of by die deur gekoop word en kos R80 vir volwassenes en R50 vir pensioenarisse en studente.
Stuur kunsnuus aan Willemien.Green@dieburger.com.