- 80g - pakkie suurlemoenjellie
- 250ml - kookwater
- 250ml - rou beet, geskil en fyngerasper
- 250ml - geroomde maaskaas
- 410g - blik pynappelmoes, gedreineer
- 2 - piesangs, fyngedruk
- - vars dille vir garnering
Vir my kom Kersfees met die nostalgie van gestolde slaai op die tafel. Probeer hierdie moderne weergawe.
Maak jellie met kookwater aan en laat effens afkoel.
Bring pot met water tot kookpunt en dompel gerasperde beet in kookwater.
Kook vir 10 minute.
Dreineer en laat afkoel.
Spuit ringvorm van jou keuse goed met kleefwerende kossproei.
Voeg maaskaas, afgekoelde beet, pynappelmoes en piesang by jellie.
Meng goed en skep in ringvorm.
Laat stol in yskas vir 4-6 uur of oornag.
Keer uit op dienbord en garneer met vars dille.
Sit voor en geniet die nostalgiese lekkerte!
