Ons is baie opgewonde oor hoe die veld sy winterjas verruil het vir pragtige spatsels kleur. Ramskop-natuurtuin is reeds 'n lus vir die oog en bied besoekers die mooiste uitsig oor die Clanwilliamdam en die Sederberg in die verte.
Kom loer self na hierdie natuurskoon - die foto's kan ongelukkig net nie die heerlike reuk van die blomme vasvang nie!
Dankie, Velskoendraai, vir dié wonderlike kiekies!
