Met fantastiese uitslae in die Cambridge Internasionale IGCSE-eksamens, vier Reddam House Durbanville hul gr. 11-leerlinge se sukses.
Hierdie eksamens is in Junie afgelê met ’n totaal van 76 leerlinge wat die IGCSE-eksamens geskryf het.
’n Buitengewone 309 vakonderskeidings is behaal.
Hul uitslae is as volg:
- 134 A-grade (90%–100%)175 A-grade (80%–89%)
- 47 leerlinge het ’n A-gemiddeld behaal
- 11 leerlinge het ’n gemiddelde punt van bo 90% behaal
- Die skool se gemiddelde IGCSE-punt was 80%
Daarbenewens het 10 van die 17 vakke wat geskryf is, ’n gemiddelde punt van meer as 80% behaal, met ses ander wat gemiddeldes van tussen 70% en 80% behaal het.
Reddam House Durbanville is een van die min skole in die Wes-Kaap wat ’n dubbele kurrikulum aanbied, wat leerlinge die keuse gee tussen die Suid-Afrikaanse IEB en die Cambridge internasionale kurrikulum.
Toppresteerders
Die skool se hoogste presteerder, Lukholo Mgudlwa, het ’n gemiddelde van 94,1% behaal. Lukholo is passievol oor medies en musiek en ’n goed afgeronde en kreatiewe akademikus.
Sy is ’n lid van die skool se vokale ensemble en ’n gereelde bydraer tot House Herald, Reddam House Durbanville se studentekoerant.
Kai Mallela, wat ’n gemiddelde punt van om en by 91,9% behaal het, beplan ook om medies te studeer.
Hy is passievol oor musiek sedert die ouderdom van vyf. Hy het begin met klawerbord voordat hy na kitaar oorgeskakel het en het aan verskeie eisteddfods deelgeneem, verskeie trofeë gewen en onlangs die hoogste eerbewyse vir kitaar ontvang.
Janek Rossouw het ook ’n gemiddelde van 91,9% behaal en beplan om elektriese en elektroniese ingenieurswese te studeer.
Toe hy gevra is om ’n aanhaling te deel wat sy akademiese reis en prestasies uitlig, haal Janek Richard Feynman aan: “Ek sal eerder vrae hê wat nie beantwoord kan word nie as antwoorde wat nie bevraagteken kan word nie”.
Sy gunstelingvak is fisika, wat perfek by sy toekomstige ambisies pas.
Sebastian Herbert, een van die skool se toppresteerders, het ’n merkwaardige 100% vir wiskunde behaal, wat die akademiese noukeurigheid van die skool se STEM-vakke onderstreep.
