Drie Springbokke het positief getoets vir die Covid-19-virus, maar Rassie Erasmus, die Suid-Afrikaanse Rugbyunie (Saru) se direkteur van rugby, sê die kans is skraal dat dit Vrydagaand se toets teen Georgië in Pretoria in gedrang sal bring.
Die Bokke se beplande oefensessie Sondagoggend in Johannesburg is gekanselleer nadat die positiewe gevalle laat Saterdagaand aangemeld is.
Erasmus het bevestig Sbu Nkosi (vleuel), Herschel Jantjies (skrumskakel) en die stut Vincent Koch het positief getoets.
Nkosi en Jantjies was die laaste drie weke in Bloemfontein in die Bok-oefenkamp, terwyl Koch sopas uit Engeland by die groep aangesluit het.
Saru het in 'n nuusverklaring gesê die oefensessie is as 'n voorsorgmaatreël gekanselleer.
