Koos Botha, Pringlebaai, skryf:
Die enormiteit van die verwoesting in Gasa van menselewens, diere en die omgewing ná Hamas se verrassingsaanval op Israelse musiekfeesgangers in die Negev-woestyn die oggend van 7 Oktober 2023 skreeu ten hemele.
Erger nog gaan wees die objektiewe integrasie van terugkerende vegvlieëniers, Israelse soldate en Hamas-vegters in hul eenhede, wonings en samelewings.
Posttraumatiese stresversteuring gaan die Gasastrook en die Midde-Ooste vir dekades, ontlonting (debriefing) ten spyt, in onrus dompel. 50 jaar ná die beëindiging van die Viëtnam-oorlog ly deelnemers daaraan tot hierdie dag toe aan post-traumatiese stresversteuring.
In ’n oorlog is daar nie wenners nie – net verloorders.
