Helena van Wyk, Kaapstad, skryf:
Oudpres. Thabo Mbeki is net gedeeltelik reg as hy sê mense wat om opportunistiese redes by die ANC aansluit, een van die kernuitdagings is wat die party in die gesig staar (29.09).
Dit geld álle partye – veral op munisipale vlak. Ek glo net ’n handjievol raadslede glo in hul onderskeie partye se beginsels.
Eiebelang laat hulle ja en amen op enigiets om net ’n gemaklike joppie vir ’n paar jaar te kry. Waar’s die dae toe dit ’n roeping was, nie ’n beroep nie?
