Stuur jou SMS na 36260. SMS’e wat die skrywer se naam bevat, kry voorkeur.
Pres. Cyril “Pinocchio” Ramaphosa se onthou en vergeet oor ’n verdagte in die Tembisa-skandaal (14.10) raak soos Joe Biden in sy laaste dae as president. Is hy dalk ook ernstig siek? – Theuns van Tonder
Nobelprys vir vrede aan pres. Donald Trump?! Talle vorige wenners of nasate van wenners sal dan seker hul eerbewyse wil teruggee. – Ben Haiser
Pres. Donald Trump is by verre die mees verwaande mens op aarde. Punt. Dit is om van naar te word. – Marina
Tino van Suidooster versuur lankal die storie! Ek hoop hy/sy kry nou gou ander werk, want dit is uiters vervelig en net te erg om langer te verduur. – Antitino, Paarl
Dis opvallend dat pres. Cyril Ramaphosa nie na die Gasa-beraad in Egipte genooi is nie. Selfs ’n klein landjie soos Paraguay was daar. Dis omdat Ramaphosa en sy ANC ondersteuners van Hamas en ander terreurorganisasies is. Skandelik. – Colin, Franskraal
Shadrack Sibiya, geskorste adjunk- nasionale polisiekommissaris, sê dat hy net opdragte uitvoer (13.10). Kan ’n mens dus aflei dat hy nie die onderskeid tussen reg en verkeer ken nie? – Marthinus Bekker
Mooi so, Siviwe Gwarube, minister van basiese onderwys! Jou knuppel in die Bela-hoenderhok het voorwaar die besluitlose draadsitters geaktiveer. Hopelik is daar nou werkbare voorstelle. – Iris, Somerset-Wes
