Beurtkrag is van halfeen Maandagoggend tot op fase 4 verlaag.
Eskom het in die vroeë oggendure gesê dit geld tot latere kennisgewing nadat al vyf eenhede by Majuba, twee eenhede by Camden, en een eenheid by Medupi sedert Saterdag herstel is.
Dit beteken agt uit 10 van die kragopwekkingseenhede wat hierdie naweek onklaar geraak het, is herstel.
"Daarbenewens vorder die aanvulling van noodreserwes goed," het Eskom in 'n verklaring gesê en bygevoeg dat 'n opdatering Maandagmiddag sal volg.
