Dis 'n mengelmoes vir die eiendomsmark, maar met eiendom is dit 'n geval van wie waag kan wen vir dié wat bereid is om te wag, sê Roy Lazarus van Park Village Auctions.
"Rentekoerse blyk vas te wees, wat druk op bekostigbaarheid hou en 'n verbetering in die huismark vertraag. Aan die anderkant kan mense met sterk beleggingsvaardighede hierdie toestande tot hul voordeel gebruik. Ons verwag 'n effense skuif.
"Deur nou 'n belegging te kry, kan oor tyd voordelig wees," sê Lazarus.
Terwyl die algemene gevoel in die mark versigtig is met kopers wat 'n afwagtende benadering volg, stel Lazarus voor dat dié met genoegsame geldelike sekuriteit om moontlike verhogings te weerstaan, voordeel kan trek uit die SARB se prysstabiliteitsdoeleindes.
- Lazarus gee die volgende wenke: Doen navorsing oor die eiendomsmark om op hoogte te bly van tendense en voorspellings om 'n ingeligte besluit te neem;) Areas met 'n sterk werkomgewing is altyd gewild en bied 'n belegging wat die moeite werd is, veral vir koop-om-te-verhuur-beleggers;) Kry 'n vooraf goedgekeurde verband sodat jy jou begroting verstaan;) Sluit 'n noodfonds by jou begroting in om onverwagte uitgawes te dek; en) Oorweeg veilings. Daar is geen opskortende voorwaardes nie, wat die veilingsproses vinnig maak en dit is waarom hulle voorkeur het in oproepings- en boedelsake. Dié soort verkope bring dikwels huise in wenslike gebiede na die mark.
"Veilings is bekend vir deursigtigheid. Lees deur die bepalings en voorwaardes sodat jy bewus is van al die betaalbare tariewe. Met jou vooruit goedgekeurde bedrag in gedagte kan jy ophou om te bie waar jy gemaklik voel en dus die risiko vermy om oor jou begroting te gaan," sê Lazarus.
Park Village Auctions sal verskeie eiendomsveilings in Mei hou, van 'n onbewoonde plattelandse landgoed in Parys tot 'n reg-vir-intrek-deeltiteleenheid in 'n kompleks in Weltevredenpark.
- Om alle komende veilings te besigtig, besoek die web-werf parkvillageauctions.co.za. Vir meer inligting, skakel 011 789 4375.
